ತಮಿಳುನಾಡಿನಲ್ಲಿ ಕನ್ನಡಿಗರ ಸಂಭ್ರಮ

ಫೈನಲ್ ಪಂದ್ಯದಲ್ಲಿ ರಾಜ್ಯ ತಂಡ 21-25, 36-34,25-18,25-14 ಅಂತರದಲ್ಲಿ ಗೆದ್ದು ಸಂಭ್ರಮಿಸಿತು. ತಮಿಳುನಾಡ ತಂಡಕ್ಕೆ ಮನೆಯಂಗಣದ ಪ್ರೇಕ್ಷಕರ ಬೆಂಬಲವಿದ್ದರೂ  ಕರ್ನಾಟಕ ಆಟದಲ್ಲಿ ನೈಜ ಸಾಮರ್ಥ್ಯ ತೋರಿ ಪ್ರಶಸ್ತಿ ಗೆದ್ದುಕೊಂಡಿತು.

ಮೊದಲ ಸೆಟ್‌ನಲ್ಲಿ ಸೋಲಿನ ಆಘಾತ ಕಂಡರೂ ತಂಡದ ಆಟಗಾರರು ಕೋಚ್ ಲಕ್ಷ್ಮೀನಾರಾಯಣ ಅವರ ಸ್ಫೂರ್ತಿಯ ಮಾತು ಹಾಗೂ ತಂತ್ರದಿಂದ ಪ್ರೇರಣೆಗೊಂಡು ಎರಡನೇ ಸೆಟ್‌ನಲ್ಲಿ 36-34 ಅಂತರದಲ್ಲಿ ಗೆದ್ದಿರುವುದು ಮುಂದಿನ ಎರಡು ಸೆಟ್‌ಗಳ ಜಯಕ್ಕೆ ಅದು ವೇದಿಕೆಯಾಯಿತು. ಕರ್ನಾಟಕ ವಾಲಿಬಾಲ್‌ನ ಸದಸ್ಯದ ಪರಿಸ್ಥಿತಿಗೆ ಈ ಚಾಂಪಿಯನ್‌ಷಿಪ್‌ನಲ್ಲಿ ಗೆಲ್ಲುವುದು ಅಗತ್ಯವಿದ್ದಿತ್ತು. ಆಟಗಾರರು ಸದ್ಯದ ಪರಿಸ್ಥಿತಿಯನ್ನು ಅರಿತು ಆಡಿರುವುದು ನಿಜವಾಗಿಯೂ ಸ್ತುತ್ಯರ್ಹ. 67 ವರ್ಷಗಳ ಇತಿಹಾಸದಲ್ಲಿ ಕರ್ನಾಟಕ ಇದೇ ಮೊದಲ ಬಾರಿಗೆ ಪ್ರಶಸ್ತಿ ಗೆದ್ದಿತು.