Saturday, February 24, 2024

ಏರ್ ಇಂಡಿಯಾ ಮುಂಬೈ ವಿರುದ್ಧ ಡ್ರಾ ಸಾಧಿಸಿದ ಕರ್ನಾಟಕ

ಸ್ಪೋರ್ಟ್ಸ್ ಮೇಲ್ ವರದಿ ಬೆಂಗಳೂರು

ಇಲ್ಲಿನ ಫೀಲ್ಡ್ ಮಾರ್ಷಲ್ ಕಾರಿಯಪ್ಪ ಹಾಕಿ ಕ್ರೀಡಾಂಗಣದಲ್ಲಿ ಶನಿವಾರ ಆರಂಭಗೊಂಡ ನಾಲ್ಕನೇ ಆವೃತ್ತಿಯ ಬೆಂಗಳೂರು ಕಪ್ ಅಖಿಲ ಭಾರತ ಹಾಕಿ ಚಾಂಪಿಯನ್ ಶಿಪ್ ನ ಮೊದಲ ದಿನದ ಪಂದ್ಯಗಳು ರೋಚಕ ಕ್ಷಣಗಳಿಗೆ ಸಾಕ್ಷಿಯಾದವು.

ಎ ಗುಂಪಿನ ಮೊದಲ ಪಂದ್ಯದಲ್ಲಿ ಭಾರತ್ ಪೆಟ್ರೋಲಿಯಂ ತಂಡ ಆಲ್ ಇಂಡಿಯಾ ಕಸ್ಟಮ್ಸ್ ವಿರುದ್ಧ 2 -2 ಗೋಲಿನಿಂದ ಡ್ರಾ ಸಾಧಿಸಿತು.
ದಿನದ ಎರಡನೇ ಪಂದ್ಯದಲ್ಲಿ ಹಾಕಿ ಕರ್ನಾಟಕ ತಂಡ ಏರ್ ಇಂಡಿಯಾ ವಿರುದ್ಧ 2 -2 ಗೋಲಿನಿಂದ ಸಮಬಲ ಸಾಧಿಸಿತು. ಪಂದ್ಯ ಆರಂಭಗೊಂಡ 3 ನೇ ನಿಮಿಷದಲ್ಲಿ ಸೋಮಯ್ಯ ಕೆಪಿ ಗಳಿಸಿದ ಫೀಲ್ಡ್ ಗೋಲಿನಿಂದ ರಾಜ್ಯ ತಂಡ ಮುನ್ನಡೆ ಕಂಡಿತು. ಬಿ ಗುಂಪಿನಲ್ಲಿ ನಡೆದ ಈ ಪಂದ್ಯದಲ್ಲಿ ಏರ್ ಇಂಡಿಯಾ ಪರ ಜೋಗಿಂದರ್ ಸಿಂಗ್ 7 ನೇ ನಿಮಿಷದಲ್ಲಿ ಗಳಿಸಿದ ಗೋಲು ಪಂದ್ಯವನ್ನು ಸಮಬಲ ಗೊಳಿಸಿತು.
ಪ್ರಥಮಾರ್ಧದ ನಂತರ 36 ನೇ ನಿಮಿಷದಲ್ಲಿ ಪೃಥ್ವಿ ರಾಜ್ ಗಳಿಸಿದ ಗೋಲಿನಿಂದ ಕರ್ನಾಟಕ 2 -1 ಗೋಲಿನಿಂದ ಮೇಲುಗೈ ಕಂಡಿತು. ರಾಜ್ಯ ತಂಡದಲ್ಲಿ ಈ ಸಂಭ್ರಮ ಹೆಚ್ಚು ಕಾಲ ಉಳಿಯಲಿಲ್ಲ 43 ನೇ ನಿಮಿಷದಲ್ಲಿ ಶಿವೇಂದ್ರ ಸಿಂಗ್ ಗಳಿಸಿದ ಗೋಲು ಪಂದ್ಯವನ್ನು ಸಮಬಲಗೊಳಿಸಿತ್ತು.

Related Articles