ಕ್ವಾರ್ಟರ್ ಫೈನಲ್‍ಗೆ ಸೈನಾ, ಸಮೀರ್, ಕಶ್ಯಪ್

ಮಹಿಳೆಯರ ಸಿಂಗಲ್ಸ್ ನಲ್ಲಿ ಎರಡನೇ ಶ್ರೇಯಾಂಕದ ಸೈನಾ ನೆಹ್ವಾಲ್ ಅವರು ಅಮೊಲಿಕಾ ಸಿಂಗ್ ಸಿಸೊಡಿಯಾ ಅವರನ್ನು 21-14, 21-9 ಅಂತರದಲ್ಲಿ ಸೋಲಿಸಿದರು. ಇನ್ನೂ ಪುರುಷರ ಸಿಂಗಲ್ಸ್ ನಲ್ಲಿ ಪರುಪಳ್ಳಿ ಕಶ್ಯಪ್ ಅವರು ಇಂಡೋನೇಷ್ಯಾದ ಫಿರ್ಮಾನ್ ಅಬ್ದುಲ್ ಖೋಲಿಕ್ ಅವರನ್ನು 9-21, 22-20, 21-8 ಅಂತರದಲ್ಲಿ ಮಣಿಸಿ ಅಂತಿಮ ಎಂಟರಘಟ್ಟಕ್ಕೆ ಲಗ್ಗೆ ಇಟ್ಟಿದ್ದಾರೆ.

ಪುರುಷರ ಸಿಂಗಲ್ಸ್ ಮತ್ತೊಂದು ಪಂದ್ಯದಲ್ಲಿ ಮೂರನೇ ರ್ಯಾಂಕಿಂಗ್ ಸಮೀರ್ ವರ್ಮಾ ಅವರು ಚೀನಾದ ಝಾವೊ ಜುನ್ಪೆಂಗ್ ಅವರನ್ನು 22-20, 21-17 ಅಂತರದಲ್ಲಿ ಸೋಲಿಸಿ ಕ್ವಾರ್ಟರ್ ಫೈನಲ್ ಪ್ರವೇಶ ಮಾಡಿದರು.