ಪೆರು ವಿರುದ್ಧ ಭಾರತದ ಪವರ್‌: ವಿಶ್ವಕಪ್‌ನಲ್ಲಿ ಕ್ವಾರ್ಟರ್‌ ಫೈನಲ್‌ಗೆ

ನವದೆಹಲಿ: ಭಾರತ ಪುರುಷರ ತಂಡ 2025ರ ಖೋ ಖೋ ವಿಶ್ವಕಪ್‌ನಲ್ಲಿ ಕ್ವಾರ್ಟರ್‌ಫೈನಲ್‌ಗೆ ಲಗ್ಗೆ ಇಡುವಲ್ಲಿ ಯಶಸ್ವಿಯಾಗಿದೆ. ಇಂದಿರಾ ಗಾಂಧಿ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಪೆರು ವಿರುದ್ಧ 70-38 ಅಂತರದ ಭರ್ಜರಿ ಗೆಲುವು ಸಾಧಿಸುವ ಮೂಲಕ ಭಾರತ ತಂಡ ಮುಂದಿನ ಹಂತಕ್ಕೆ ಲಗ್ಗೆ ಇಟ್ಟಿತು. India Power Past Peru to Book Quarter-final Spot in Kho Kho World Cup 2025

ಟೂರ್ನಮೆಂಟ್‌ನಲ್ಲಿ ತಮ್ಮ ಅದ್ಭುತ ಪ್ರದರ್ಶನವನ್ನು ಮುಂದುವರೆಸಿದ ಮೆನ್ ಇನ್ ಬ್ಲೂ ತಂಡವು ತಮ್ಮ ರಣತಂತ್ರದ ಅಮೋಘ ನಿರ್ವಹಣೆ ಮತ್ತು ಅಥ್ಲೆಟಿಕ್ ಪರಾಕ್ರಮವನ್ನು ಪ್ರದರ್ಶಿಸುವ ಪ್ರಬಲ ಪ್ರದರ್ಶನದೊಂದಿಗೆ ತಮ್ಮ ಚಾಂಪಿಯನ್‌ಶಿಪ್‌ನಲ್ಲಿ ಮುಂದಿನ ಹಂತಕ್ಕೆ ಅರ್ಹತೆ ಪಡೆಯಿತು.

ಮೊದಲ ಟರ್ನ್ ನ ಆರಂಭಿಕ ಹಂತಗಳಲ್ಲಿ ಪ್ರಾಬಲ್ಯ ಸಾಧಿಸಿದ ಟೀಮ್ ಇಂಡಿಯಾಗೆ ಅಮೋಘ ಆರಂಭವು ಉತ್ತಮ ವೇದಿಕೆಯಾಯಿತು, ಆದರೆ ಎರಡನೇ ಟರ್ನ್ ನಲ್ಲಿ ಪೆರು ಸಣ್ಣ ರಕ್ಷಣಾತ್ಮಕ ನಿಲುವಿನೊಂದಿಗೆ  ತಿರುಗೇಟು ನೀಡುವ ಲಕ್ಷಣ ತೋರಿತು. ಹಾಗಿದ್ದರೂ, ಆತಿಥೇಯ ತಂಡ ಪ್ರತೀಕ್‌ ವೈಕರ್‌ ಅವರ ನಾಯಕತ್ವದ ಮೂಲಕ ತಮ್ಮ ಅಧಿಕಾರವನ್ನು ಸಮರ್ಥವಾಗಿ ತೋರಿದರು. ಇದರಿಂದಾಗಿ ಭಾರತ ತಂಡ ಮೊದಲ ಸುತ್ತನ್ನು 36 ಅಂಕಗಳ ಮುನ್ನಡೆಯೊಂದಿಗೆ ಮುಕ್ತಾಯಗೊಳಿಸಿತು. ಆದಿತ್ಯ ಪೋಟೆ, ಶಿವಾ ರೆಡ್ಡಿ ಮತ್ತು ಸಚಿನ್ ಭಾರ್ಗೊ ಅವರ ಅತ್ಯುತ್ತಮ ಪ್ರದರ್ಶನದೊಂದಿಗೆ ಎರಡನೇ ಟರ್ನ್ ನಲ್ಲೂ ಭಾರತ ತಂಡದ ಆಟದ ಮಟ್ಟ ಹೆಚ್ಚುತ್ತಲೇ ಹೋಯಿತು. ಭಾರತದ ಪ್ರಾಬಲ್ಯವು ಮೂರನೇ ಟರ್ನ್ ವರೆಗೂ ವಿಸ್ತರಿಸಿತು ಮತ್ತು ನಾಲ್ಕನೇ ಟರ್ನ್ ಹೊತ್ತಿಗೆ ಸ್ಕೋರ್ 70 ಅಂಕಗಳಿಗೆ ಏರಿತು.

ಅಧಿಕಾರಯುತ 32 ಅಂಕಗಳ ಗೆಲುವಿನೊಂದಿಗೆ, ಭಾರತವು ಕ್ವಾರ್ಟರ್-ಫೈನಲ್‌ನಲ್ಲಿ ತನ್ನ ಸ್ಥಾನವನ್ನು ಭದ್ರಪಡಿಸಿಕೊಂಡಿದ್ದು ಮಾತ್ರವಲ್ಲದೆ, ಟೂರ್ನಮೆಂಟ್‌ನಲ್ಲಿ ತನ್ನ ಪ್ರಶಸ್ತಿಯ ಗುರಿಯ ಬಗ್ಗೆ ಎದುರಾಳಿ ತಂಡಕ್ಕೆ ಸ್ಪಷ್ಟ ಸಂದೇಶ ರವಾನಿಸಿದೆ.

ಪಂದ್ಯದ ಪ್ರಶಸ್ತಿಗಳು

ಪಂದ್ಯದ ಅತ್ಯುತ್ತಮ ಅಟ್ಯಾಕರ್‌: ಗೀನರ್ ವರ್ಗಾಸ್

ಪಂದ್ಯದ ಅತ್ಯುತ್ತಮ ಡಿಫೆಂಡರ್: ರಾಮ್‌ಜಿ ಕಶ್ಯಪ್

ಪಂದ್ಯಶ್ರೇಷ್ಠ ಆಟಗಾರ: ಅನಿಕೇತ್ ಪೋಟೆ