ಕ್ರಿಕೆಟ್ ಗುರುವಿಗೆ ಕಣ್ಣೀರ ವಿದಾಯ

ಖ್ಯಾತ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಸೇರಿದಂತೆ ಅನೇಕ ಗಣ್ಯರು ಹಾಗೂ ರಮಾಕಂತ್ ಅಚ್ರೇಕರ್ ಅವರ ಶಿಷ್ಯರು ಗುರುವಿನ ಅಂತಿಮ ಯಾತ್ರೆಯಲ್ಲಿ ಪಾಲ್ಗೊಂಡರು. ಅಚ್ರೇಕರ್ ಅವರಿಗೆ 87 ವರ್ಷ ವಯಸ್ಸಾಗಿತ್ತು. ದ್ರೋಣಾಚಾರ್ಯ ಹಾಗೂ ಪದ್ಮಶ್ರೀ ಗೌರವಕ್ಕೆ ಪಾತ್ರರಾಗಿರುವ ರಮಾಕಾಂಚ್ ಅಚ್ರೇಕರ್ ಅವರ ಅಂತಿಮ ಯಾತ್ರೆಯಲ್ಲಿ ಶಿವಾಜಿ ಪಾರ್ಕ್‌ನಲ್ಲಿ ನಿತ್ಯವೂ ಆಡುತ್ತಿದ್ದ ಯುವ ಕ್ರಿಕೆಟಿಗರು  ಪಾಲ್ಗೊಂಡರು. ಮಾಜಿ ಕ್ರಿಕೆಟಿಗರು, ಹಿರಿಯ ರಾಜಕಾರಣಿಗಳು ಕೂಡ ,ಜಗತ್ತು ಕಂಡ ಶ್ರೇಷ್ಠ ಗುರುವಿಗೆ ಅಂತಿಮ ನಮನ ಸಲ್ಲಿಸಿದರು. ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಹಾಗೂ ದೇಶದ ಇತರ ಕ್ರಿಕೆಟ್ ಸಂಸ್ಥೆಗಳು ಮಹಾ ಚೇತನಕ್ಕೆ ನುಡಿ ನಮನ ಸಲ್ಲಿಸಿವೆ.