FIFA World Cup: ವಿಜೇತರಿಗೆ ಐತಿಹಾಸಿಕ ಚಾಂಪಿಯನ್‌ಶಿಪ್ ರಿಂಗ್‌

FIFA World Cup 2026 ವಿಜೇತರಿಗೆ ಐತಿಹಾಸಿಕ ಮೊದಲ ಚಾಂಪಿಯನ್‌ಶಿಪ್ ರಿಂಗ್‌

ನ್ಯೂಯಾರ್ಕ್: ಜುಲೈ 19ರಂದು ನ್ಯೂಯಾರ್ಕ್ ನ್ಯೂಜೆರ್ಸಿ ಸ್ಟೇಡಿಯಂನಲ್ಲಿ ನಡೆಯಲಿರುವ ಫಿಫಾ ವಿಶ್ವಕಪ್ 2026™ ಫೈನಲ್‌ನಲ್ಲಿ ವಿಶ್ವ ಚಾಂಪಿಯನ್ ತಂಡದ ಪಟ್ಟಾಭಿಷೇಕ ನಡೆಯಲಿದೆ. ಪ್ರತಿಷ್ಠಿತ ವಿಶ್ವಕಪ್ ಟ್ರೋಫಿ ಹಾಗೂ ಚಿನ್ನದ ಪದಕಗಳ ಜೊತೆಗೆ ಈ ಬಾರಿ ವಿಜೇತ ತಂಡಕ್ಕೆ ಮತ್ತೊಂದು ಐತಿಹಾಸಿಕ ಗೌರವವೂ ದೊರೆಯಲಿದೆ. In a momentous first for a FIFA competition, the tournament winners will also receive bespoke championship rings.

ಫಿಫಾ ಇತಿಹಾಸದಲ್ಲೇ ಮೊದಲ ಬಾರಿಗೆ, ವಿಶ್ವಕಪ್ ವಿಜೇತ ತಂಡದ ಆಟಗಾರರಿಗೆ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಚಾಂಪಿಯನ್‌ಶಿಪ್ ರಿಂಗ್‌ಗಳನ್ನು ನೀಡಲಾಗುತ್ತದೆ. ಅಮೆರಿಕದ ಕ್ರೀಡಾ ಸಂಪ್ರದಾಯದಲ್ಲಿ ಅತ್ಯಂತ ಪ್ರಸಿದ್ಧವಾಗಿರುವ ಈ ಗೌರವವನ್ನು ಇದೀಗ ಫಿಫಾ ಜಾಗತಿಕ ಫುಟ್‌ಬಾಲ್ ವೇದಿಕೆಗೆ ಪರಿಚಯಿಸುತ್ತಿದೆ.

ಈ ವಿಶೇಷ ರಿಂಗ್‌ಗಳನ್ನು ಒಟ್ಟು 2,026 ಸಂಖ್ಯೆಯ ಸೀಮಿತ ಆವೃತ್ತಿಯಲ್ಲಿ ತಯಾರಿಸಲಾಗಿದ್ದು, ಅದು ಫಿಫಾ ವಿಶ್ವಕಪ್ 2026ಕ್ಕೆ ಗೌರವ ಸೂಚಿಸುವಂತಿದೆ. ಇವುಗಳಲ್ಲಿ 30 ರಿಂಗ್‌ಗಳನ್ನು ವಿಜೇತ ತಂಡಕ್ಕೆ ನೀಡಲಾಗುತ್ತದೆ. ಉಳಿದ 1,996 ರಿಂಗ್‌ಗಳನ್ನು ಅಧಿಕೃತ ಪರವಾನಗಿ ಪಡೆದ ಉತ್ಪನ್ನ (Official Licensed Product) ರೂಪದಲ್ಲಿ ವಿಶ್ವದ ಅಭಿಮಾನಿಗಳಿಗೆ ಲಭ್ಯವಾಗಲಿದ್ದು, ಫಿಫಾ ವಿಶ್ವಕಪ್ 2026ರ ಸ್ಮರಣೀಯ ನೆನಪಿನ ಭಾಗವನ್ನು ತಮ್ಮದಾಗಿಸಿಕೊಳ್ಳುವ ಅವಕಾಶ ದೊರೆಯಲಿದೆ.

ಪ್ರತಿ ರಿಂಗ್‌ನ ಒಂದು ಬದಿಯಲ್ಲಿ ಫಿಫಾ ವಿಶ್ವಕಪ್ ಟ್ರೋಫಿಯ ವಿನ್ಯಾಸ ಇರಲಿದ್ದು, ಮತ್ತೊಂದು ಬದಿಯನ್ನು ವಿಜೇತ ತಂಡದ ಗುರುತಿಗೆ ಅನುಗುಣವಾಗಿ ವಿಶೇಷವಾಗಿ ರೂಪಿಸಲಾಗುತ್ತದೆ. ಪ್ರತಿಯೊಂದು ರಿಂಗ್‌ಗೆ ಪ್ರತ್ಯೇಕ ಸಂಖ್ಯೆಯನ್ನು ನೀಡಲಾಗುತ್ತಿದ್ದು, ಆಟಗಾರರಿಗೆ ಸೂಕ್ತ ಗಾತ್ರದಲ್ಲಿ ಕಸ್ಟಮ್‌-ಫಿಟ್ ಮಾಡಿ, ಅದರೊಂದಿಗೆ ಅಧಿಕೃತ ದೃಢೀಕರಣ ಪ್ರಮಾಣಪತ್ರ (Certificate of Authenticity) ಸಹ ಒದಗಿಸಲಾಗುತ್ತದೆ.

ಫೈನಲ್ ಪಂದ್ಯ ಮುಗಿದ ತಕ್ಷಣ ವಿಜೇತ ತಂಡದ ನಾಯಕ ಹಾಗೂ ಮುಖ್ಯ ಕೋಚ್‌ಗೆ ಆ ಕ್ಷಣದ ಸ್ಮರಣಾರ್ಥ ತಾತ್ಕಾಲಿಕ ರಿಂಗ್‌ಗಳನ್ನು ನೀಡಲಾಗುತ್ತದೆ. ಬಳಿಕ ವಿಜೇತ ತಂಡಕ್ಕೆ ಮೀಸಲಾಗಿರುವ ಎಲ್ಲಾ 30 ರಿಂಗ್‌ಗಳನ್ನು ವೈಯಕ್ತಿಕವಾಗಿ ಕಸ್ಟಮೈಸ್ ಮಾಡಿ, ಪರಿಪೂರ್ಣ ಗಾತ್ರದಲ್ಲಿ ಸಿದ್ಧಪಡಿಸಿದ ನಂತರ ಅಧಿಕೃತ ಸಮಾರಂಭದಲ್ಲಿ ಹಸ್ತಾಂತರಿಸಲಾಗುತ್ತದೆ. ಜೀವನಪೂರ್ತಿ ಉಳಿಯುವ ಈ ಗೌರವ, ವಿಶ್ವ ಚಾಂಪಿಯನ್ ಪಟ್ಟದ ಶಾಶ್ವತ ನೆನಪಾಗಿ ಉಳಿಯಲಿದೆ.