ಜಯಂತಿಯನ್ ಕಪ್–2026: ಫುಟ್ಬಾಲ್‌, ಕಬಡ್ಡಿಯಲ್ಲಿ KJU  ಪ್ರಾಭಲ್ಯ

ಬೆಂಗಳೂರು: ಕ್ರಿಸ್ತು ಜಯಂತಿ ವಿಶ್ವವಿದ್ಯಾಲಯದ ಆತಿಥ್ಯದಲ್ಲಿ ನಡೆಯುತ್ತಿರುವ ಮೂರು ದಿನಗಳ ರಾಷ್ಟ್ರೀಯ ಮಟ್ಟದ ಅಂತರಕಾಲೇಜು ಕ್ರೀಡಾಕೂಟ ‘ಜಯಂತಿಯನ್ ಕಪ್–2026’ ಎರಡನೇ ದಿನವೂ ಕ್ರೀಡಾ ರೋಚಕತೆಗೆ ಸಾಕ್ಷಿಯಾಯಿತು. ಫುಟ್‌ಬಾಲ್ ಹಾಗೂ ಥ್ರೋಬಾಲ್‌ನಲ್ಲಿ ನಾಕೌಟ್ ಹಂತದ ಪಂದ್ಯಗಳು ನಡೆದರೆ, ಟೇಕ್ವಾಂಡೋದಲ್ಲಿ ಕ್ರೀಡಾಪಟುಗಳು ಉತ್ತಮ ಪ್ರದರ್ಶನ ನೀಡಿದರು. ವಿವಿಧ ಕ್ರೀಡೆಗಳಲ್ಲಿ ಹಲವು ಪಂದ್ಯಗಳು ತೀವ್ರ ಪೈಪೋಟಿಯಿಂದ ಕೂಡಿದ್ದವು. The second day of the three-day national-level intercollegiate sports tournament ‘Jayantian Cup–2026’, hosted by Kristu Jayanti University, witnessed another day of thrilling sporting action.

ದಿನದ ಗಮನಾರ್ಹ ಪ್ರದರ್ಶನ ನೀಡಿದ ತಂಡಗಳಲ್ಲಿ ಕ್ರಿಸ್ತು ಜಯಂತಿ ವಿಶ್ವವಿದ್ಯಾಲಯ ಪ್ರಮುಖವಾಗಿತ್ತು. ಮಹಿಳೆಯರ ಫುಟ್‌ಬಾಲ್‌ನಲ್ಲಿ ಜೆಎನ್‌ಸಿ ವಿರುದ್ಧ ಪೆನಾಲ್ಟಿ ಶೂಟೌಟ್‌ನಲ್ಲಿ ಜಯ ಸಾಧಿಸಿದ ಕ್ರಿಸ್ತು ಜಯಂತಿ ವಿಶ್ವವಿದ್ಯಾಲಯ, ಪುರುಷರ ಕಬಡ್ಡಿಯಲ್ಲಿ ಕ್ರೈಸ್ಟ್ ಮೈಸೂರು ತಂಡವನ್ನು ಮಣಿಸಿತು.

ಥ್ರೋಬಾಲ್‌ನಲ್ಲಿ ಪುರುಷರ ವಿಭಾಗದಲ್ಲಿ SJU ಪ್ರಶಸ್ತಿ ಗೆದ್ದರೆ, ಮಹಿಳೆಯರ ವಿಭಾಗದಲ್ಲಿ ಶೇಷಾದ್ರಿಪುರಂ ಕಾಲೇಜು ಪ್ರಶಸ್ತಿ ಸುತ್ತಿಗೆ ಮುನ್ನಡೆದಿತು. ಮಹಿಳೆಯರ ಫೈನಲ್‌ನಲ್ಲಿ ಕ್ರಿಸ್ತು ಜಯಂತಿ ವಿಶ್ವವಿದ್ಯಾಲಯವನ್ನು ಶೇಷಾದ್ರಿಪುರಂ ಎದುರಿಸಿತು.

ಬಾಸ್ಕೆಟ್‌ಬಾಲ್ – ಪುರುಷರು

ಕ್ರಿಸ್ತು ಜಯಂತಿ ವಿಶ್ವವಿದ್ಯಾಲಯ ‘ಬಿ’ ತಂಡವು ಮೌಂಟ್ ಕಾರ್ಮೆಲ್ ವಿಶ್ವವಿದ್ಯಾಲಯದ ವಿರುದ್ಧ 22–37 ಅಂಕಗಳಿಂದ ಸೋಲನುಭವಿಸಿತು. CMRIT ತಂಡ ಕ್ರೈಸ್ಟ್ ಮೈಸೂರು ವಿರುದ್ಧ 39–15 ಅಂಕಗಳಿಂದ ಜಯ ಸಾಧಿಸಿತು. ಕ್ರೈಸ್ಟ್ CC ತಂಡ MCU ವಿರುದ್ಧ 40–18 ಅಂಕಗಳಿಂದ ಗೆದ್ದರೆ, ಜೈನ್ SSER ತಂಡ CMRIT ವಿರುದ್ಧ 39–19 ಅಂತರದಲ್ಲಿ ಜಯ ಗಳಿಸಿತು.

ಕ್ರೈಸ್ಟ್ YC ತಂಡ ಕ್ರೈಸ್ಟ್ KC ವಿರುದ್ಧ 21–12 ಅಂಕಗಳಿಂದ ಗೆದ್ದರೆ, SJU ತಂಡ ಕ್ರೈಸ್ಟ್ ಕೆಂಗೇರಿ ವಿರುದ್ಧ 24–16 ಅಂಕಗಳಿಂದ ಜಯ ಸಾಧಿಸಿತು.

ಬಾಸ್ಕೆಟ್‌ಬಾಲ್ – ಮಹಿಳೆಯರು

ಕ್ರೈಸ್ಟ್ CC ತಂಡ JNC ವಿರುದ್ಧ 44–12 ಅಂಕಗಳ ಭರ್ಜರಿ ಗೆಲುವು ಸಾಧಿಸಿತು. ಜೈನ್ SSER ತಂಡ MCU ವಿರುದ್ಧ 36–15 ಅಂಕಗಳಿಂದ ಜಯ ಗಳಿಸಿತು.

ಫುಟ್‌ಬಾಲ್ – ಪುರುಷರು

ಪೂಲ್ A: ಕ್ರೈಸ್ಟ್ ಬೆಂಗಳೂರು ತಂಡ DSCE ವಿರುದ್ಧ 1–0ರಿಂದ ಜಯ ಸಾಧಿಸಿತು. MCU ತಂಡ ಆಚಾರ್ಯ ವಿರುದ್ಧ 1–0ರಿಂದ ಗೆದ್ದಿತು.

ಪೂಲ್ B: ಅಥಿಯಮಾನ್ ತಂಡ ಸರ್ಕಾರಿ RC ಕಾಲೇಜು ವಿರುದ್ಧ ಪೆನಾಲ್ಟಿ ಶೂಟೌಟ್‌ನಲ್ಲಿ 4–3ರಿಂದ ಜಯ ಸಾಧಿಸಿತು. ಜೈನ್ FET ತಂಡ ಕ್ರೈಸ್ಟ್ ಮೈಸೂರು ವಿರುದ್ಧ 4–0ರಿಂದ ಗೆದ್ದರೆ, ನ್ಯೂ ಹೊರೈಸನ್ ತಂಡ ಸಿಂಧಿ ವಿರುದ್ಧ 1–0ರಿಂದ ಜಯ ಸಾಧಿಸಿತು. ಇಂಡಿಯನ್ ಅಕಾಡೆಮಿ ತಂಡ ಕ್ರಿಸ್ತು ಜಯಂತಿ ವಿಶ್ವವಿದ್ಯಾಲಯ ‘ಬಿ’ ತಂಡವನ್ನು ಪೆನಾಲ್ಟಿ ಶೂಟೌಟ್‌ನಲ್ಲಿ 6–5ರಿಂದ ಮಣಿಸಿತು.

ಫುಟ್‌ಬಾಲ್ – ಮಹಿಳೆಯರು

ಕ್ರೈಸ್ಟ್ CC ಮತ್ತು MCC ನಡುವಿನ ಪಂದ್ಯ 1–1ರಿಂದ ಡ್ರಾದಲ್ಲಿ ಅಂತ್ಯಗೊಂಡ ಬಳಿಕ, ಪೆನಾಲ್ಟಿ ಶೂಟೌಟ್‌ನಲ್ಲಿ ಕ್ರೈಸ್ಟ್ CC 4–3ರಿಂದ ಜಯ ಸಾಧಿಸಿತು. SJU ತಂಡ ಪ್ರೆಸಿಡೆನ್ಸಿ ವಿರುದ್ಧ 5–0ರಿಂದ ಭರ್ಜರಿ ಗೆಲುವು ಸಾಧಿಸಿತು. ರೇವಾ ತಂಡ ಕ್ರೈಸ್ಟ್ ಯೆಶ್ವಂತಪುರ ವಿರುದ್ಧ 2–1ರಿಂದ ಜಯ ಗಳಿಸಿತು.

ನಂತರ SJU ತಂಡ ಕ್ರೈಸ್ಟ್ KC ವಿರುದ್ಧ 4–0ರಿಂದ ಜಯ ಸಾಧಿಸಿತು. ಕ್ರಿಸ್ತು ಜಯಂತಿ ವಿಶ್ವವಿದ್ಯಾಲಯ ಹಾಗೂ JNC ನಡುವಿನ ಪಂದ್ಯ 1–1ರಿಂದ ಡ್ರಾದಲ್ಲಿ ಅಂತ್ಯಗೊಂಡ ಬಳಿಕ, KJU ತಂಡ ಪೆನಾಲ್ಟಿಯಲ್ಲಿ 7–6ರಿಂದ ಗೆಲುವು ದಾಖಲಿಸಿತು. ಮತ್ತೊಂದು 1–1 ಡ್ರಾದ ಬಳಿಕ ಅಲಗಪ್ಪ ತಂಡ ಕ್ರೈಸ್ಟ್ CC ವಿರುದ್ಧ ಪೆನಾಲ್ಟಿಯಲ್ಲಿ 5–4ರಿಂದ ಜಯ ಸಾಧಿಸಿತು.

ವಾಲಿಬಾಲ್ – ಪುರುಷರು

SCMS ತಂಡ ಕ್ರೈಸ್ಟ್ ಬೆಂಗಳೂರು ವಿರುದ್ಧ 2–1ರಿಂದ ಜಯ ಸಾಧಿಸಿತು. NMIT ತಂಡ ಕ್ರೈಸ್ಟ್ CC ವಿರುದ್ಧ ನೇರ ಸೆಟ್‌ಗಳಲ್ಲಿ ಗೆಲುವು ದಾಖಲಿಸಿತು. RV ವಿಶ್ವವಿದ್ಯಾಲಯ ತಂಡ ಕ್ರೈಸ್ಟ್ KC ವಿರುದ್ಧ 25–16, 25–19 ಅಂಕಗಳಿಂದ ಜಯ ಸಾಧಿಸಿತು. ಅಲಗಪ್ಪ ತಂಡ SJU ವಿರುದ್ಧ 25–14, 25–9 ಅಂಕಗಳಿಂದ ಗೆದ್ದಿತು.

ವಾಲಿಬಾಲ್ – ಮಹಿಳೆಯರು

ಮೌಂಟ್ ಕಾರ್ಮೆಲ್ ವಿಶ್ವವಿದ್ಯಾಲಯ ತಂಡ ಕ್ರೈಸ್ಟ್ CC ವಿರುದ್ಧ 2–1ರಿಂದ ಗೆಲುವು ಸಾಧಿಸಿತು. MCU 25–14, 11–25, 15–8 ಅಂಕಗಳಿಂದ ಪಂದ್ಯವನ್ನು ತನ್ನದಾಗಿಸಿಕೊಂಡಿತು.

ಥ್ರೋಬಾಲ್ – ಪುರುಷರು

ಮೊದಲ ಸೆಮಿಫೈನಲ್‌ನಲ್ಲಿ ಕ್ರಿಸ್ತು ಜಯಂತಿ ವಿಶ್ವವಿದ್ಯಾಲಯ ‘ಎ’ ತಂಡ RNSFGC ವಿರುದ್ಧ 25–19, 23–25, 15–12 ಅಂಕಗಳಿಂದ ಜಯ ಸಾಧಿಸಿತು. ಮತ್ತೊಂದು ಸೆಮಿಫೈನಲ್‌ನಲ್ಲಿ SJU ತಂಡ KJU ‘ಬಿ’ ವಿರುದ್ಧ 26–24, 18–25, 15–5 ಅಂಕಗಳಿಂದ ಗೆಲುವು ಸಾಧಿಸಿತು.

ನಂತರ ನಡೆದ ಪುರುಷರ ಥ್ರೋಬಾಲ್ ಸ್ಪರ್ಧೆಯಲ್ಲಿ SJU ತಂಡ ಪ್ರಶಸ್ತಿ ಗೆದ್ದು ಗಮನ ಸೆಳೆಯಿತು.

ಥ್ರೋಬಾಲ್ – ಮಹಿಳೆಯರು

MCU ತಂಡ ಪ್ರೆಸಿಡೆನ್ಸಿ ವಿರುದ್ಧ 2–0ರಿಂದ ಜಯ ಸಾಧಿಸಿತು. KJU ತಂಡ ಕ್ರೈಸ್ಟ್ KC ವಿರುದ್ಧ 2–0ರಿಂದ ಗೆದ್ದಿತು. ಸೆಮಿಫೈನಲ್‌ನಲ್ಲಿ ಶೇಷಾದ್ರಿಪುರಂ ತಂಡ MCU ವಿರುದ್ಧ 2–1ರಿಂದ ಜಯ ಸಾಧಿಸಿ ಫೈನಲ್ ಪ್ರವೇಶಿಸಿತು. ಬಳಿಕ ಫೈನಲ್‌ನಲ್ಲಿ ಶೇಷಾದ್ರಿಪುರಂ ತಂಡ ಕ್ರಿಸ್ತು ಜಯಂತಿ ವಿಶ್ವವಿದ್ಯಾಲಯವನ್ನು ಎದುರಿಸಿತು.

ಕಬಡ್ಡಿ – ಪುರುಷರು

ಅಲಗಪ್ಪ ತಂಡ ಕ್ರೈಸ್ಟ್ ಯೆಶ್ವಂತಪುರ ವಿರುದ್ಧ 38–10ರಿಂದ ಜಯ ಸಾಧಿಸಿತು. ನ್ಯೂ ಹೊರೈಸನ್ ತಂಡ SFGC ವಿರುದ್ಧ 39–18ರಿಂದ ಗೆದ್ದಿತು. ಕ್ರೈಸ್ಟ್ ಮೈಸೂರು ತಂಡ ಜೈನ್ ವಿರುದ್ಧ 29–9ರಿಂದ ಜಯ ಸಾಧಿಸಿತು.

ದಯಾನಂದ ಸಾಗರ್ ತಂಡ ಕ್ರಿಸ್ತು ಜಯಂತಿ ವಿಶ್ವವಿದ್ಯಾಲಯ ‘ಬಿ’ ವಿರುದ್ಧ 29–24ರಿಂದ ಗೆದ್ದರೆ, ಇಂಡಿಯನ್ ಅಕಾಡೆಮಿ ತಂಡ RV ವಿರುದ್ಧ 27–19ರಿಂದ ಜಯ ಸಾಧಿಸಿತು. ಅಲಗಪ್ಪ ತಂಡ ಪ್ರೆಸಿಡೆನ್ಸಿ ವಿರುದ್ಧ 30–18ರಿಂದ ಗೆದ್ದಿತು.

ಕ್ರಿಸ್ತು ಜಯಂತಿ ವಿಶ್ವವಿದ್ಯಾಲಯ ತಂಡ ಕ್ರೈಸ್ಟ್ ಮೈಸೂರು ವಿರುದ್ಧ 36–26ರಿಂದ ಜಯ ಸಾಧಿಸಿತು. ಸಿಂಧಿ ತಂಡ ನ್ಯೂ ಹೊರೈಸನ್ ವಿರುದ್ಧ 19–38ರಿಂದ ಸೋಲನುಭವಿಸಿತು.

ಟೇಕ್ವಾಂಡೋದಲ್ಲಿ ಚಿನ್ನದ ಪದಕಗಳ ಮಿಂಚು

ಟೇಕ್ವಾಂಡೋದ ಬಾಲಕಿಯರ ವೈಯಕ್ತಿಕ ಪೂಮ್ಸೇ ವಿಭಾಗದಲ್ಲಿ MCUನ ಅಕ್ಷಯಾ ಬಿ.ಎಸ್. ಚಿನ್ನದ ಪದಕ ಗೆದ್ದರು. ಕ್ರೈಸ್ಟ್ CCನ ಎ.ಡಿ. ಅಶ್ಮಿತಾ ಬೆಳ್ಳಿ ಪದಕ ಪಡೆದರೆ, ನ್ಯೂ ಹೊರೈಸನ್‌ನ ಲಕ್ಷ್ಮೀ ಕುಮಾರಿ ಹಾಗೂ KJUನ ನಿಯಾ ಆನ್ ಫಿಲಿಪ್ ಕಂಚಿನ ಪದಕ ಪಡೆದರು.

ಬಾಲಕರ ವೈಯಕ್ತಿಕ ಪೂಮ್ಸೇ ವಿಭಾಗದಲ್ಲಿ ಇಂಡಿಯನ್ ಅಕಾಡೆಮಿಯ ಕೈಫ್ ಪಾಷಾ ಚಿನ್ನ, ಕ್ರಿಸ್ತು ಜಯಂತಿ ವಿಶ್ವವಿದ್ಯಾಲಯದ ವಿರಾಜ್ ಖಡ್ಕಾ ಬೆಳ್ಳಿ ಮತ್ತು ವಿನ್ಸೆಂಟ್ ಪಲೊಟ್ಟಿಯ ಚಾರ್ಲ್ಸ್ ಕಂಚಿನ ಪದಕ ಪಡೆದರು.

ಜೋಡಿ ಪೂಮ್ಸೇ ವಿಭಾಗದಲ್ಲಿ ಕ್ರಿಸ್ತು ಜಯಂತಿ ವಿಶ್ವವಿದ್ಯಾಲಯ ಚಿನ್ನದ ಪದಕ ಗೆದ್ದರೆ, ಪ್ರೆಸಿಡೆನ್ಸಿ ವಿಶ್ವವಿದ್ಯಾಲಯ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟಿತು.

ಬಾಲಕಿಯರ ಸ್ಪಾರಿಂಗ್ ವಿಭಾಗದಲ್ಲಿ 53 ಕೆ.ಜಿ. ಒಳಗಿನ ವಿಭಾಗದಲ್ಲಿ ಕ್ರಿಸ್ತು ಜಯಂತಿ ವಿಶ್ವವಿದ್ಯಾಲಯದ ಪ್ರತಿಭಾ ಎಸ್. ಚಿನ್ನ ಹಾಗೂ ಅದೇ ವಿಶ್ವವಿದ್ಯಾಲಯದ ಲಕ್ಷ್ಮೀ ಡಿ. ಬೆಳ್ಳಿ ಪದಕ ಪಡೆದರು.

57 ಕೆ.ಜಿ. ಒಳಗಿನ ವಿಭಾಗದಲ್ಲಿ ಕ್ರೈಸ್ಟ್ ವಿಶ್ವವಿದ್ಯಾಲಯ CCನ ಎ.ಡಿ. ಅಶ್ಮಿತಾ ಚಿನ್ನದ ಪದಕ ಗೆದ್ದರೆ, ಪ್ರೆಸಿಡೆನ್ಸಿಯ ಸಂಗೀತಾ ಬಿ. ಬೆಳ್ಳಿ ಮತ್ತು KJUನ ನಿಯಾ ಆನ್ ಫಿಲಿಪ್ ಕಂಚಿನ ಪದಕ ಪಡೆದರು. 73 ಕೆ.ಜಿ. ಒಳಗಿನ ವಿಭಾಗದಲ್ಲಿ ಬಿಷಪ್ ಕಾಟನ್ ವುಮೆನ್ಸ್ ಕ್ರಿಶ್ಚಿಯನ್ ಕಾಲೇಜಿನ ದೀಪಶಿಖಾ ಪ್ರಸಾದ್ ಚಿನ್ನ ಹಾಗೂ ಜ್ಯೋತಿ ನಿವಾಸ್ ಕಾಲೇಜಿನ ತನ್ಮಯಿ ಎಸ್. ಬೆಳ್ಳಿ ಪದಕ ಪಡೆದರು. ಪುರುಷರ ಸ್ಪಾರಿಂಗ್‌ನಲ್ಲಿ 54 ಕೆ.ಜಿ. ಒಳಗಿನ ವಿಭಾಗದಲ್ಲಿ ಪ್ರೆಸಿಡೆನ್ಸಿ ವಿಶ್ವವಿದ್ಯಾಲಯದ ಸಮೀರ್ ಆರ್. ಚಿನ್ನದ ಪದಕ ಗೆದ್ದರೆ, KJUನ ಅಬ್ರಹಾಂ ಸುರೇಶ್ ಬೆಳ್ಳಿ ಪದಕ ಪಡೆದರು.

58 ಕೆ.ಜಿ. ವಿಭಾಗದಲ್ಲಿ ಇಂಡಿಯನ್ ಅಕಾಡೆಮಿಯ ಮ್ಯಾಥ್ಯೂ ಜೆ. ಚಿನ್ನ, KJUನ ವಿ. ಜ್ಞಾನಶೇಖರ್ ಬೆಳ್ಳಿ ಪದಕ ಪಡೆದರು. 63 ಕೆ.ಜಿ. ವಿಭಾಗದಲ್ಲಿ KJUನ ಶಶಿಕುಮಾರ್ ಚಿನ್ನ ಹಾಗೂ ಪ್ರೆಸಿಡೆನ್ಸಿಯ ಆದಿತ್ಯ ಮಲ್ಲ ಬೆಳ್ಳಿ ಪದಕ ಪಡೆದರು.

68 ಕೆ.ಜಿ. ವಿಭಾಗದಲ್ಲಿ KJUನ ಹರ್ಷವರ್ಷಣ ಕೆ.ಸಿ. ಚಿನ್ನದ ಪದಕ ಗೆದ್ದರೆ, ಜೈನ್ ಸ್ಕೂಲ್ ಆಫ್ ಮ್ಯಾನೇಜ್‌ಮೆಂಟ್‌ನ ಹಿಮಾಂಶು ಯು. ಬೆಳ್ಳಿ ಪದಕ ಪಡೆದರು.

80 ಕೆ.ಜಿ. ವಿಭಾಗದಲ್ಲಿ ಪ್ರೆಸಿಡೆನ್ಸಿ ವಿಶ್ವವಿದ್ಯಾಲಯದ ದೈವಾಶೀರ್ವಾದ್ ಡಿ.ಎಸ್. ಚಿನ್ನದ ಪದಕ ಹಾಗೂ KJUನ ಯಶ್ ಬೆಳ್ಳಿ ಪದಕ ಗೆದ್ದರು.