ಖೇಲೋ ಇಂಡಿಯಾ ಬೀಚ್‌ ಗೇಮ್ಸ್‌ಗೆ ವರ್ಣರಂಜಿತ ಚಾಲನೆ

ಡಿಯು: ಖೇಲೋ ಇಂಡಿಯಾ ಬೀಚ್ ಗೇಮ್ಸ್‌ನ ಎರಡನೇ ಆವೃತ್ತಿಯು ಸೋಮವಾರ ಘೋಗ್ಲಾ ಬೀಚ್‌ನಲ್ಲಿ ಭಾರತದ ಗೌರವಾನ್ವಿತ ಪ್ರಧಾನಿ ಶ್ರೀ ನರೇಂದ್ರ ಮೋದಿಯವರ ವಿಶೇಷ ಸಂದೇಶದೊಂದಿಗೆ ವರ್ಣರಂಜಿತವಾಗಿ ಆರಂಭವಾಯಿತು. ದೇಶಾದ್ಯಂತ 2100 ಕ್ಕೂ ಹೆಚ್ಚು ಕ್ರೀಡಾಪಟುಗಳು ಭಾಗವಹಿಸುವ ಈ ಕ್ರೀಡಾಕೂಟವು ಜನವರಿ 10 ರಂದು ಮುಕ್ತಾಯಗೊಳ್ಳಲಿದೆ. The second edition of Khelo India Beach Games was declared Open by Lt Governor, Union Territory of Jammu & Kashmir, Shri Manoj Sinha.

ಖೇಲೋ ಇಂಡಿಯಾ ಬೀಚ್ ಗೇಮ್ಸ್‌ನ ಲಾಂಛನ ಡಾಲ್ಫಿನ್‌  ‘ಪರ್ಲ್’ – ಎಲ್ಲರನ್ನೂ ಸ್ವಾಗತಿಸುವ ಮೂಲಕ ಘೋಗ್ಲಾ ಬೀಚ್‌ ಸಂಭ್ರಮದ ಅಲೆಯಲ್ಲಿ ತೇಲಿತು.

ದಾದ್ರಾ ಮತ್ತು ನಗರ ಹವೇಲಿ ಮತ್ತು ದಮನ್ ಮತ್ತು ಡಿಯು ಕೇಂದ್ರಾಡಳಿತ ಪ್ರದೇಶಗಳು ಆಯೋಜಿಸಿರುವ ಖೇಲೋ ಇಂಡಿಯಾ ಬೀಚ್ ಗೇಮ್ಸ್ ಅನ್ನು ಭಾರತ ಕ್ರೀಡಾ ಪ್ರಾಧಿಕಾರ ಮತ್ತು ರಾಷ್ಟ್ರೀಯ ಕ್ರೀಡಾ ಒಕ್ಕೂಟಗಳ ತಾಂತ್ರಿಕ ಮೇಲ್ವಿಚಾರಣೆಯಲ್ಲಿ ನಡೆಸಲಾಗುತ್ತಿದೆ.

ಕ್ರೀಡಾಪಟುಗಳಿಗೆ ಶುಭ ಹಾರೈಸುತ್ತಾ ಮತ್ತು ಕ್ರೀಡಾಕೂಟವನ್ನು  ಆಯೋಜಿಸಿದ್ದಕ್ಕಾಗಿ ಕೇಂದ್ರಾಡಳಿತ ಪ್ರದೇಶವನ್ನು ಅಭಿನಂದಿಸುತ್ತಾ, ಪ್ರಧಾನಿ ಮೋದಿ, “ಖೇಲೋ ಇಂಡಿಯಾ ಬೀಚ್ ಕ್ರೀಡಾಕೂಟವು ಭಾರತದ ಕ್ರೀಡಾ ಭೂಪಟದಲ್ಲಿ ವಿಶೇಷ ಸ್ಥಾನವನ್ನು ಪಡೆದುಕೊಂಡಿದೆ. ಬೀಚ್ ಮತ್ತು ಕರಾವಳಿ ಕ್ರೀಡೆಗಳು ದೈಹಿಕ ಸಹಿಷ್ಣುತೆ, ಮಾನಸಿಕ ಶಕ್ತಿ ಮತ್ತು ನಿರಂತರವಾಗಿ ಬದಲಾಗುತ್ತಿರುವ ವಾತಾವರಣಗಳಲ್ಲಿ ಪ್ರದರ್ಶನ ನೀಡಲು ನೆರವಾಗುತ್ತದೆ. ಉದಯೋನ್ಮುಖ ಪ್ರತಿಭೆಗಳನ್ನು ಮುಂಚೂಣಿಗೆ ತರುವ ಮೂಲಕ, ಈ ಕ್ರೀಡಾಕೂಟಗಳು ಭಾರತೀಯ ಕ್ರೀಡೆಯ ಪರಿಧಿಯನ್ನು ವಿಸ್ತರಿಸುತ್ತವೆ ಮತ್ತು ಪ್ರತಿಭೆಯನ್ನು ಕಂಡುಹಿಡಿಯಲು, ಗುರುತಿಸಲು ಮತ್ತು ಪೋಷಿಸಲು ಹೊಸ ಮಾರ್ಗಗಳನ್ನು ಸೃಷ್ಟಿಸುತ್ತವೆ.” ಎಂದರು.

ಬೀಚ್ ಕ್ರೀಡೆಗಳಲ್ಲಿ ಉತ್ತಮ ಪ್ರದರ್ಶನ ನೀಡಿದ ನಾಲ್ವರು ಕ್ರೀಡಾಪಟುಗಳಾದ ಡಾನ್ ರೆಮಿಡಿಯೋಸ್ (ಬೀಚ್ ಫುಟ್ಬಾಲ್), ಪಾಯಲ್ ಪರ್ಮಾರ್ (ಬೀಚ್ ವಾಲಿಬಾಲ್), ಅಜಿಶ್ ಪಟೇಲ್ ಮತ್ತು ಜಲಪಾ ಸೋಲಂಕಿ (ಇಬ್ಬರೂ ಹಗ್ಗ ಜಗ್ಗಾಟ) ಕ್ರೀಡಾಪಟುಗಳ ಮೆರವಣಿಗೆ ಮತ್ತು  ಟಾರ್ಚ್ ರಿಲೇ ವಿದ್ಯುಕ್ತವಾಗಿ ನಡೆಯಿತು.  ಜಮ್ಮು ಮತ್ತು ಕಾಶ್ಮೀರದ ಕೇಂದ್ರಾಡಳಿತ ಪ್ರದೇಶದ ಗೌರವಾನ್ವಿತ ಲೆಫ್ಟಿನೆಂಟ್ ಗವರ್ನರ್ ಶ್ರೀ ಮನೋಜ್ ಸಿನ್ಹಾ ಅವರು ಖೇಲೋ ಇಂಡಿಯಾ ಬೀಚ್ ಗೇಮ್ಸ್ 2026 ಅನ್ನು ಉದ್ಘಾಟಿಸಿದರು.

ಸೋಮವಾರದಂದು, ಬೀಚ್ ಫುಟ್ಬಾಲ್‌ ಮತ್ತು ಬೀಚ್ ಕಬಡ್ಡಿಯಲ್ಲಿ ಸ್ಪರ್ಧೆಯು ಪ್ರಾರಂಭವಾಯಿತು, ಅಗ್ರ ತಂಡಗಳು ಆರಂಭಿಕ ಹಂತವನ್ನು ತಲುಪಿದವು. ಮಹಿಳಾ ಬೀಚ್ ಫುಟ್ಬಾಲ್‌ನಲ್ಲಿ, ಹಾಲಿ ಚಾಂಪಿಯನ್ ಒಡಿಶಾ ಗುಂಪು ಎ ನಲ್ಲಿ ಮಹಾರಾಷ್ಟ್ರವನ್ನು 11-3 ಅಂತರದಿಂದ ಸೋಲಿಸಿದರೆ,  ಹಿಮಾಚಲ ಪ್ರದೇಶವು ಆತಿಥೇಯ ದಾದ್ರಾ ಮತ್ತು ನಗರ ಹವೇಲಿ ಮತ್ತು ದಾಮನ್ ಮತ್ತು ಡಿಯುವನ್ನು 7-5 ಅಂತರದಿಂದ ಸೋಲಿಸಿತು.

ಬೀಚ್ ಕಬಡ್ಡಿಯಲ್ಲಿ, ಮಹಾರಾಷ್ಟ್ರ ಪುರುಷ ಮತ್ತು ಮಹಿಳಾ ತಂಡಗಳು ತಮ್ಮ ತಮ್ಮ ಗುಂಪುಗಳಲ್ಲಿ ಸುಲಭ ಜಯಗಳಿಸಿದವು. ಮಹಿಳಾ ವಿಭಾಗದಲ್ಲಿ, ಮಹಾರಾಷ್ಟ್ರ ದಾದ್ರಾ ಮತ್ತು ನಗರ ಹವೇಲಿ ಮತ್ತು ದಾಮನ್ ಮತ್ತು ಡಿಯು ತಂಡಗಳನ್ನು 64-22 ಅಂತರದಿಂದ ಸೋಲಿಸಿದರೆ, ಪುರುಷರು ದೆಹಲಿಯನ್ನು 47-20 ಅಂತರದಿಂದ ಸೋಲಿಸಿದರು.