ನಾನ್‌ಜಿಂಗ್ (ಚೀನಾ):ಫೈನಲ್ನ ಪಂದ್ಯದಲ್ಲಿ ಸಿಂಧೂಗೆ  ಒಲಿಂಪಿಕ್ಸ್‌ನ ಸೇಡು ತೀರಿಸಿಕೊಳ್ಳಲು ಇಲ್ಲಿ ಮತ್ತೊಮ್ಮೆ ಅವಕಾಶ. ಇದೊಂದು ರೀತಿಯಲ್ಲಿ ರಿಯೋ ಒಲಿಂಪಿಕ್ಸ್‌ನ ಫೈನಲ್ ಪಂದ್ಯದ ಪುನರಾವರ್ತನೆಯೇ ಆಗಿದೆ. ಇಂಡಿಯನ್  ಓಪನ್ ನಲ್ಲೂ  ಸಿಂಧೂ ಮರಿನ್ ಗೆ ಸೋಲುಣಿಸಿದ್ದರು. ಕಳೆದ ಬಾರಿ ರನ್ನರ್ ಅಪ್‌ಗೆ ತೃಪ್ತಿ ಪಟ್ಟಿದ್ದ ಸಿಂಧೂಗೆ  ಇದು ಸತತ ಎರಡನೇಯ ಫೈನಲ್.  ಸೆಮಿಫೈನಲ್ ಪಂದ್ಯದಲ್ಲಿ ಸಿಂಧೂ  ಯಮಾಗುಚಿ ವಿರುದ್ಧ ೨೧-೧೬, ೨೪-೨೨ ಅಂತರದಲ್ಲಿ ಜಯ ಗಳಿಸಿದರು.

ಯಮಾಗುಚಿ  ಹಾಗೂ ಸಿಂಧೂ  ನಡುವಿನ ಸೋಲು ಗೆಲುವಿನ ಅಂತರ ೬-೪ರಿಂದ ಕೂಡಿತ್ತು. ದುಬೈ ಸೂಪರ್ ಸಿರೀಸ್ ಹಾಗೂ ಆಲ್ ಇಂಗ್ಲೆಂಡ್ ಚಾಂಪಿಯನ್‌ಷಿಪ್‌ನಲ್ಲಿ ಯಮಾಗುಚಿ ವಿರುದ್ಧ ಸಿಂಧೂ  ಸೋಲನುಭವಿಸಿದ್ದರು. ೨೦೧೩ ಹಾಗೂ ೨೦೧೪ರಲ್ಲಿ ಸಿಂಧೂ   ಕಂಚಿನ ಪದಕದ ಸಾ‘ಧನೆ ಮಾಡಿದ್ದರು.

ಸಿಂಧೂ  ವಿರುದ್ಧ ಮರಿನ್ ಸೋಲು ಗೆಲುವಿನ ಅಂತರದಲ್ಲಿ ೬-೫ರ ಮುನ್ನಡೆ ಕಾಯ್ದುಕೊಂಡಿದ್ದಾರೆ. ಜೂನ್ ತಿಂಗಳಲ್ಲಿ ನಡೆದ ಮಲೇಷ್ಯಾ ಓಪನ್‌ನಲ್ಲಿ ಸಿಂಧೂ  ಸ್ಪೇನ್‌ನ ಎದುರಾಳಿಗೆ ಸೋಲನುಭವಿಸಿದ್ದರು. ಮರಿನ್ ಚೀನಾದ ಎಂಟನೇ ಶ್ರೇಯಾಂಕಿತ ಆಟಗಾರ್ತಿ  ಹೆ ಬಿಂಗ್ಜಿಯಾವೋ ವಿರುದ್ಧ ೧೩-೨೧, ೨೧-೧೬, ೨೧-೧೩ ಅಂತರದಲ್ಲಿ ಜಯ ಗಳಿಸಿ ಫೈನಲ್ ಪ್ರವೇಶಿಸಿದರು.

೨೦೧೮ರ ಮಲೇಷ್ಯಾ ಓಪನ್ ಕ್ವಾರ್ಟರ್ ಫೈನಲ್‌ನಲ್ಲಿ ಸಿಂಧೂ  ೨೨-೨೦, ೨೧-೧೯ ಅಂತರದಲ್ಲಿ ಸೋಲನು‘ಭವಿಸಿದ್ದರು.