Friday, March 29, 2024

ಸೌಜನ್ಯ, ರುತುಜಾಗೆ ಡಬಲ್ಸ್‌ ಪ್ರಶಸ್ತಿ

Sportsmail         

ರಾಜ್ಯ ಲಾನ್‌ ಟೆನಿಸ್‌ ಸಂಸ್ಥೆಯ ಅಂಗಣದಲ್ಲಿ ನಡೆಯುತ್ತಿರುವ 15,000ಯುಎಸ್‌ ಡಾಲರ್‌ ಮೊತ್ತದ ಕೆಎಸ್‌ಎಲ್‌ಟಿಎ ಐಟಿಎಫ್‌ ವಿಶ್ವ ಮಹಿಳಾ ಟೂರ್‌ ಚಾಂಪಿಯನ್ಷಿಪ್‌ನಲ್ಲಿ ಸೌಜನ್ಯ ಬಾವಿಸೆಟ್ಟಿ ಮತ್ತು ಋುತುಜಾ ಭೋಸ್ಲೆ ಜೋಡಿ ಡಬಲ್ಸ್‌ ಪ್ರಶಸ್ತಿ ಗೆದ್ದುಕೊಂಡಿದೆ.

ಶನಿವಾರ ನಡೆದ ಫೈನಲ್‌ ಪಂದ್ಯದಲ್ಲಿ ಸೌಜನ್ಯ ಮತ್ತು ರುತುಜಾ ಜೋಡಿ ಎದುರಾಳಿ ವೈದೇಹಿ ಚೌಧರಿ ಮತ್ತು ಮಹಿಕಾ ಯಾದವ್‌ ಜೋಡಿಯನ್ನು 6-0, 6-3 ಅಂತರದಲ್ಲಿ ಮಣಿಸಿ ಪ್ರಶಸ್ತಿ ಗೆದ್ದುಕೊಂಡರು.

ಸಿಂಗಲ್ಸ್‌ನಲ್ಲಿ ಪ್ರಾಂಜಲಾ ಎಡ್ಲಪಳ್ಳಿ ಮತ್ತು ಸೌಜನ್ಯ ಬಾವಿಸೆಟ್ಟಿ ಅವರು ಪ್ರಶಸ್ತಿಗಾಗಿ ಸೆಣಸಲಿದ್ದಾರೆ. ಸೆಮಿಫೈನಲ್‌ನಲ್ಲಿ ಸೌಜನ್ಯ ತನ್ನ ಡಬಲ್ಸ್‌ ಜತೆಗಾತಿ ರುತುಜಾ ಭೋಸ್ಲೆ ವಿರುದ್ಧ  ಮೊದಲ ಸೆಟ್‌ನಲ್ಲಿ ಹಿನ್ನಡೆ ಕಂಡರೂ ದಿಟ್ಟ ಹೋರಾಟ ನೀಡಿ 4-6, 6-4, 6-2 ಅಂತರದಲ್ಲಿ ಜಯ ಗಳಿಸಿ ಫೈನಲ್‌ ಪ್ರವೇಶಿಸಿದರು.

ದಿನದ ಎರಡನೇ ಸೆಮಿಫೈನಲ್‌ನಲ್ಲಿ ಪ್ರಾಂಜಲಾ ಎಡ್ಲಪಳ್ಳಿ ಕ್ವಾಲಿಫಯರ್‌ ಶ್ರಿವಳ್ಳಿ ರಶ್ಮಿಕಾ ವಿರುದ್ಧ 3-6, 6-3, 7-5 ಅಂತರದಲ್ಲಿ ಜಯ ಗಳಿಸಿ ಪ್ರಶಸ್ತಿ ಸುತ್ತು ತಲುಪಿದರು.

Related Articles