ಎರವಲು ಪಡೆದ ಕ್ಯೂನಲ್ಲೇ ರಾಷ್ಟ್ರೀಯ ಬೆಳ್ಳಿ ಗೆದ್ದ ಮುಸ್ತಫಾ

ಬೆಂಗಳೂರು: ಬೆಂಗಳೂರಿನ 13 ವರ್ಷದ ಮೊಹಮ್ಮದ್ ಮುಸ್ತಫಾ ಅಹ್ಮದ್, ಉತ್ತರಾಖಂಡದ ಡೆಹ್ರಾಡೂನ್‌ನಲ್ಲಿ ನಡೆದ ಜೂನಿಯರ್ ರಾಷ್ಟ್ರೀಯ ಹೇಬಾಲ್ ಚಾಂಪಿಯನ್‌ಷಿಪ್‌ನಲ್ಲಿ ರಜತ ಪದಕ ಗೆದ್ದು ದೇಶದ ಭರವಸೆಯ ಕ್ಯೂ ಸ್ಪೋರ್ಟ್ಸ್ ಪ್ರತಿಭೆಯಾಗಿ ಹೊರಹೊಮ್ಮಿದ್ದಾರೆ. ವಿಶೇಷವೆಂದರೆ, ತಮ್ಮ ಮೊದಲ ಪ್ರಮುಖ ಹೇಬಾಲ್ ಟೂರ್ನಿಯಲ್ಲಿ ಅವರು ಮತ್ತೊಬ್ಬ ಆಟಗಾರನಿಂದ ಎರವಲು ಪಡೆದ ಕ್ಯೂ ಬಳಸಿ ಈ ಸಾಧನೆ ಮಾಡಿದ್ದಾರೆ. Bengaluru’s Mohammed Mustafa won a silver medal at the National Heyball Championship using a borrowed cue.

ಬಹು ಬಾರಿ ಕರ್ನಾಟಕ ಜೂನಿಯರ್ ಬಿಲಿಯರ್ಡ್ಸ್ ಹಾಗೂ ಸ್ನೂಕರ್ ಚಾಂಪಿಯನ್ ಆಗಿರುವ ಮುಸ್ತಫಾ, ಪ್ರಸ್ತುತ ಭಾರತದ ಜೂನಿಯರ್ ಸ್ನೂಕರ್‌ನಲ್ಲಿ 5ನೇ ಶ್ರೇಯಾಂಕ ಹೊಂದಿದ್ದಾರೆ. ಮೇ 2026ರಲ್ಲಿ ಬೆಂಗಳೂರಿನ ಹೇಬಾಲ್ ಅಕಾಡೆಮಿಗೆ ಸೇರಿ ಕೋಚ್ ಪ್ರಣೀತ್ ರಾಮಚಂದಾನಿ ಅವರ ಮಾರ್ಗದರ್ಶನದಲ್ಲಿ ತರಬೇತಿ ಪಡೆದ ಅವರು, ಭಾರತದ ಮೊದಲ ಕ್ರಿಸ್ ಹೆನ್ರಿ ಪ್ಲೇಯರ್ ಇಂಟೆನ್ಸಿವ್ ಟ್ರೈನಿಂಗ್ ಪ್ರೋಗ್ರಾಂಗೂ ಆಯ್ಕೆಯಾಗಿ ಅಂತಾರಾಷ್ಟ್ರೀಯ ಕೋಚ್ ಕ್ರಿಸ್ ಹೆನ್ರಿ ಅವರಿಂದ ತರಬೇತಿ ಪಡೆದರು.

ರಾಷ್ಟ್ರೀಯ ಚಾಂಪಿಯನ್‌ಷಿಪ್‌ನಲ್ಲಿ ಹಲವು ಅನುಭವಿ ಆಟಗಾರರನ್ನು ಮಣಿಸಿ ಫೈನಲ್ ಪ್ರವೇಶಿಸಿದ ಮುಸ್ತಫಾ ರಜತ ಪದಕ ಗೆದ್ದರು. ಈ ಸಾಧನೆಗೆ ತಂದೆ ಸಜ್ಜಾದ್ ಅಹ್ಮದ್ ಅವರ ಪ್ರೋತ್ಸಾಹ ಹಾಗೂ ಕೋಚ್ ಪ್ರಣೀತ್ ಅವರ ಮಾರ್ಗದರ್ಶನ ಪ್ರಮುಖ ಕಾರಣವಾಗಿದೆ. ಮುಂದಿನ ದಿನಗಳಲ್ಲಿ ರಾಷ್ಟ್ರೀಯ, ಏಷ್ಯನ್ ಹಾಗೂ ವಿಶ್ವ ಮಟ್ಟದಲ್ಲಿ ಮಿಂಚುವುದು ಮುಸ್ತಫಾ ಅವರ ಗುರಿಯಾಗಿದೆ.