ಕಾಮನ್ವೆಲ್ತ್ ಗೇಮ್ಸ್‌: ರಾಷ್ಟ್ರೀಯ ದಾಖಲೆ ಬರೆದ ಬೆಂಗಳೂರಿನ ಸ್ವಿಮ್ಮರ್ ಶ್ರೀಹರಿ

ಗೋಲ್ಡ್ ಕೋಸ್ಟ್: ಬೆಂಗಳೂರಿನ ಉದಯೋನ್ಮುಖ ಈಜುಪಟು ಶ್ರೀಹರಿ ನಟರಾಜ್, 21ನೇ ಆವೃತ್ತಿಯ ಕಾಮನ್ವೆಲ್ತ್ ಗೇಮ್ಸ್ ಕ್ರೀಡಾಕೂಟದಲ್ಲಿ ರಾಷ್ಟ್ರೀಯ ದಾಖಲೆ ನಿರ್ಮಿಸಿದ್ದಾರೆ.

ಒಪ್ಟಸ್ ಅಕ್ವೆಟಿಕ್ ಸೆಂಟರ್‌ನಲ್ಲಿ ಗುರುವಾರ ನಡೆದ ಪುರುಷರ 100 ಮೀ. ಬ್ಯಾಕ್‌ಸ್ಟ್ರೋಕ್ ಸ್ಪರ್ಧೆಯನ್ನು 56.71 ಸೆಕೆಂಡ್‌ಗಳಲ್ಲಿ ಕ್ರಮಿಸಿದ ಶ್ರೀಹರಿ ನಟರಾಜ್, ನೂತನ ರಾಷ್ಟ್ರೀಯ ದಾಖಲೆ ಬರೆದರು. ಅಲ್ಲದೆ ಸ್ಪರ್ಧೆಯಲ್ಲಿ ಸೆಮಿಫೈನಲ್ ಪ್ರವೇಶಿಸಿದರು.