ಬ್ರಿಸ್ಬೇನ್: ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಸ್ಟಾರ್ ಬ್ಯಾಟ್ಸ್‌ಮನ್ ಉಸ್ಮಾನ್ ಖವಾಜ ಅವರ ಪ್ರೇಯಸಿ ರಷೆಲ್ ಮೆಕ್‌ಲೆಲಾನ್ ಕ್ಯಾಥೊಲಿಕ್ ಧರ್ಮದಿಂದ ಇಸ್ಲಾಂ ಧರ್ಮಕ್ಕೆ ಮತಾಂತರಗೊಂಡಿದ್ದಾರೆ.
ಪಾಕಿಸ್ತಾನ ಸಂಜಾತ 31 ವರ್ಷದ ಉಸ್ಮಾನ್ ಖವಾಜ, ಮುಂದಿನ ತಿಂಗಳು (ಏಪ್ರಿಲ್) ರಷೆಲ್ ಅವರನ್ನು ಇಸ್ಲಾಂ ಸಂಪ್ರದಾಯದಂತೆ ಮದುವೆಯಾಗಲಿದ್ದಾರೆ. ಬ್ರಿಸ್ಬೇನ್ ಮೂಲದ ರಷೆಲ್ ಅವರಿಗೆ 22 ವರ್ಷ ವಯಸ್ಸು.
ನಾನು ಭೇಟಿ ಮಾಡಿದ ಮೊದಲ ಮುಸ್ಲಿ ವ್ಯಕ್ತಿ ಉಸೀ(ಉಸ್ಮಾನ್ ಖವಾಜ). ಇಸ್ಲಾಂ ಧರ್ಮಕ್ಕೆ ಮತಾಂತರಗೊಳ್ಳಲು ಆತನಿಂದಾಗಲೀ, ಆತನ ಕುಟುಂಬ ಸದಸ್ಯರಿಂದಾಗಲೀ ಯಾವುದೇ ಒತ್ತಡವಿರಲಿಲ್ಲ. ಇದು ಅವನಿಗೆ ತುಂಬಾ ಮುಖ್ಯ ಎಂದು ನನಗನ್ನಿಸಿತು.
– ರಷೆಲ್ ಮೆಕ್‌ಲೆಲಾನ್, ಉಸ್ಮಾನ್ ಖವಾಜ ಅವರ ಪ್ರೇಯಸಿ.
ಪಾಕಿಸ್ತಾನ ಮೂಲದ ಉಸ್ಮಾನ್ ಖವಾಜ, ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಪರ ಆಡಿದ ಮೊದಲ ಮುಸ್ಲಿಂ ಆಟಗಾರ. ಪತ್ನಿ ಮುಸ್ಲಿಂ ಧರ್ಮಕ್ಕೆ ಮತಾಂತರಗೊಳ್ಳುತ್ತಿರುವ ಬಗ್ಗೆ ಉಸ್ಮಾನ್ ಖವಾಜ ಪ್ರತಿಕ್ರಿಯಿಸಿದ್ದಾರೆ.
