ಇಂಡಿಯನ್ ರೇಸಿಂಗ್ ಫೆಸ್ಟಿವಲ್: ‘ಕಿಚ್ಚಾಸ್ ಕಿಂಗ್ಸ್ ಬೆಂಗಳೂರು’ ಅಬ್ಬರ!

ಬೆಂಗಳೂರು: ಇಂಡಿಯನ್ ರೇಸಿಂಗ್ ಫೆಸ್ಟಿವಲ್‌ನ 4ನೇ ಸುತ್ತಿನ ರೋಚಕ ‘ಸ್ಟ್ರೀಟ್ ರೇಸಿಂಗ್’ ಆಕ್ಷನ್‌ನಿಂದಾಗಿ ಗೋವಾ ನಗರವು ಮೋಟಾರ್ ಸ್ಪೋರ್ಟ್ ಅಖಾಡವಾಗಿ ಬದಲಾಯಿತು. ಈ ರೇಸ್‌ನ ಪ್ರಮುಖ ಆಕರ್ಷಣೆಯೆಂದರೆ ರಾವುಲ್ ಹೈಮನ್ ಮತ್ತು ಫ್ಯಾಬಿಯೆನ್ನೆ ವೊಹ್ಲ್‌ವೆಂಡ್ ಜೋಡಿ. ಇವರು ಗೋವಾ ಏಸಸ್ ಜೆಎ ರೇಸಿಂಗ್ ತಂಡವನ್ನು 42:11.779 ರ ಒಟ್ಟು ಸಮಯದಲ್ಲಿ ರಿಲೇ-ಫಾರ್ಮ್ಯಾಟ್‌ನಲ್ಲಿ ಗೆಲುವಿನತ್ತ ಮುನ್ನಡೆಸಿದರು. Goa Hosts a Spectacular Round 4 as Hyman and Wohlwend Power Goa Aces JA Racing to Victory

ತಂಡದ ಮಾಲೀಕರಾದ ಜಾನ್ ಅಬ್ರಹಾಂ (ಗೋವಾ ಏಸಸ್ ಜೆಎ ರೇಸಿಂಗ್), ಕಿಚ್ಚ ಸುದೀಪ್ (ಕಿಚ್ಚಾಸ್ ಕಿಂಗ್ಸ್ ಬೆಂಗಳೂರು), ನಾಗ ಚೈತನ್ಯ (ಹೈದರಾಬಾದ್ ಬ್ಲ್ಯಾಕ್ ಬರ್ಡ್ಸ್) ಮತ್ತು ಸೌರವ್ ಗಂಗೂಲಿ (ಕೋಲ್ಕತ್ತಾ ರಾಯಲ್ ಟೈಗರ್ಸ್) ಅವರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದು ಕ್ರೀಡಾಕೂಟದ ಕಳೆ ಹೆಚ್ಚಿಸಿದರು.

ರಾವುಲ್ ಹೈಮನ್ ಅವರು 53.527 ಸೆಕೆಂಡುಗಳ ಅತ್ಯಂತ ವೇಗದ ಲ್ಯಾಪ್ ದಾಖಲಿಸುವ ಮೂಲಕ ಅದ್ಭುತ ಆರಂಭ ನೀಡಿದರು. ಟ್ರಾಫಿಕ್ ನಡುವೆಯೂ ಅತ್ಯಂತ ಚಾಕಚಕ್ಯತೆಯಿಂದ ಚಾಲನೆ ಮಾಡಿದ ಹೈಮನ್, ಚಾಲಕರನ್ನು ಬದಲಿಸುವ ಕಡ್ಡಾಯ ಸಮಯದ (19-22 ನಿಮಿಷಗಳು) ಹೊತ್ತಿಗೆ ಸುಮಾರು 20 ಸೆಕೆಂಡುಗಳ ಭಾರಿ ಮುನ್ನಡೆಯೊಂದಿಗೆ ಕಾರನ್ನು ಸಹ-ಚಾಲಕಿ ಫ್ಯಾಬಿಯೆನ್ನೆ ಅವರಿಗೆ ಹಸ್ತಾಂತರಿಸಿದರು. ಇದು ತಂಡದ ಗೆಲುವಿಗೆ ಭದ್ರ ಬುನಾದಿ ಹಾಕಿತು.

ರಾವುಲ್ ಹೈಮನ್ ಮಾತು: “ಡ್ರೈವರ್-ಸ್ವಾಪ್ ಫಾರ್ಮ್ಯಾಟ್‌ನಲ್ಲಿ ನಾವು ಒಟ್ಟಾಗಿ ರೇಸ್ ಮಾಡಿದ್ದು ಇದೇ ಮೊದಲು, ಆದ್ದರಿಂದ ಇದು ನಿಜಕ್ಕೂ ತಂಡದ ಪ್ರಯತ್ನವಾಗಿತ್ತು. ಫ್ಯಾಬಿಯೆನ್ನೆ ಅವರು ಪ್ರತಿಯೊಂದು ಸವಾಲಿಗೂ ಸಮರ್ಥವಾಗಿ ಉತ್ತರಿಸಿದ್ದು, ಅವರ ಬಗ್ಗೆ ನನಗೆ ಹೆಮ್ಮೆಯಿದೆ.”

ರೇಸ್ ಮಧ್ಯದಲ್ಲಿ ‘ಸೇಫ್ಟಿ ಕಾರ್’ ಪ್ರವೇಶದಿಂದಾಗಿ ಹೈಮನ್ ಗಳಿಸಿದ್ದ ಮುನ್ನಡೆ ಕೈತಪ್ಪಿ, ಎಲ್ಲ ಸ್ಪರ್ಧಿಗಳು ಹತ್ತಿರ ಬಂದರು. ಇದು ಫ್ಯಾಬಿಯೆನ್ನೆ ವೊಹ್ಲ್‌ವೆಂಡ್ ಅವರಿಗೆ ಒಂದು ದೊಡ್ಡ ಪರೀಕ್ಷೆಯಾಗಿತ್ತು. ಆದರೆ ಲಿಚ್ಟೆನ್‌ಸ್ಟೈನ್ ದೇಶದ ಈ ಚಾಲಕಿ, ರೇಸ್ ಮರು-ಆರಂಭವಾದಾಗ (Restart) ಅತ್ಯಂತ ಸ್ಥಿರವಾಗಿ ಚಾಲನೆ ಮಾಡಿದರು. ಭಾರತದ ರುಹಾನ್ ಆಳ್ವಾ ಅವರ ತೀವ್ರ ಒತ್ತಡದ ನಡುವೆಯೂ ಚಾತುರ್ಯ ಮೆರೆದ ಫ್ಯಾಬಿಯೆನ್ನೆ, ಅಂತಿಮವಾಗಿ ವಿಜಯದ ಧ್ವಜವನ್ನು ಮುಟ್ಟಿದರು. ಈ ಮೂಲಕ ಅವರು ಚಾಂಪಿಯನ್‌ಶಿಪ್ ಇತಿಹಾಸದಲ್ಲಿ ರೇಸ್ ಗೆದ್ದ ಎರಡನೇ ಮಹಿಳಾ ಚಾಲಕಿ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.